Amerikanët shtynë publikimin e emrave të spiunëve?
Vizita e një delegacioni nga ambasada amerikane në Shkup ka shtyer publikimin e paralajmëruar të emrave të spiunëve në Maqedoni.Komisioni për Lustrimin për të premten kishte paralajmëruar publikimin e emrave dhe dosjeve të 11 personave që kanë qenë bashkëpunëtorëve të shërbimeve sekrete në të kaluarën, kryesisht bashkëpunëtor të ish-UDB-së.
Por, një delegacion i ambasadës amerikane ka qëndruar për vizitë këtij komisioni, ku zyrtarisht u bë e ditur se delegacioni amerikan ka shprehur interes lidhur me procesin e lustrimit dhe Ligjin e ri, me të cilin publikohen emrat dhe dosjet e ish-spiunëve.
Kryetari i Komisionit të Lustrimit, Tome Axhiev hodhi poshtë pohimet se kjo vizitë ndikoi në shtyerjen e publikimit të emrave dhe dosjeve të 11 funksionarëve të kaluar, që kanë bashkëpunuar me shërbimet sekrete. /Telegrafi/
