Anonymous mund ta lë Amerikën pa rrymë
Në një takim të mbyllur, me përfaqësuesit e qeverisë amerikane, drejtori i Agjencisë amerikane për Siguri Nacionale (NSA), tha se Anonymous brenda dy viteve do të forcohet aq shumë sa që mund të rrënoj sistemin e furnizimit me energji elektrike në Shtetet e Bashkuara. Administrata amerikane, kur nuk e do dikë, lehtë e quajnë ndonjë person ose organizatë si terroriste.
Shpresojmë se ky nuk do të jetë një emërtim tjetër për Anonymous.
Keith Alexander, drejtor i NSA-së, tha se ky grupi i haktivistëve – shfrytëzimi i rrjetave kompjuterike si mjet i protestës politike - brenda dy viteve mund ta shkatërroj furnizimin amerikan me energji elektrike.
Ai e tha këtë në një takim të mbyllur me përfaqësuesit e qeverisë amerikane, shkruan “Wall Street Journal”.
Edhe pse deri tash nuk janë në "listën e kërcënimit", ky shkaktim frike mund t’i fus ata aty.
"Është një kërcënim i vërtetë", thotë James Lewis, ekspert për siguri të internetit, që studion grupin.
Të tjerët mendojnë se fjala është për krijimin e një paranoje. Blogu që lidhet me Anonymous, anonops.blogspot.com, e ka botuar fotografinë e drejtorit të NSA-s dhe ka shkruar: “Qesharake! Pse do ta fikte Anonymous rrjetin elektrik? Nuk ka kuptim! Ata duan vetëm të frikësoheni”.
Përndryshe, në Twitter kanë shpjeguar se diçka si kjo nuk u ka ra ndërmend, meqë në atë mënyrë do të vrisnin njerëzit në spitali, jeta e të cilëve varet nga aparatet. /Telegrafi/
