Arifi dënon dëmtimin e varrezave në Viti

13:47 / 22.01.2013

Kryetari i Komunës së Vitisë, Nexhmedin Arifi e ka dënuar aktin e dëmtimit të tetë pllakave në varrezat ortodokse serbe në Viti. Ai ka thënë se ky është një akt qyqar i orkestruar nga persona të pandërgjegjshëm, të cilët nuk ia duan të mirën vendit dhe mundohen me çdo kusht të nxisin urrejtje për të dëmtuar bashkëjetesën, si dhe të dëmtojnë proceset nëpër të cilat po kalon vendi.

“Dënojmë ashpër veprimet e tilla që nuk i kontribuojnë stabilitetit në komunën tonë dhe njëherësh vlerësojmë si akt makabër që nuk na përket neve si popull. Varrezat dhe monumentet kulturore e historike, nuk ndërlidhen me heqjen e lapidarit nga ana e Qeverisë së Serbisë në Preshevë”, ka vlerësuar Arifi.

Ai ka kërkuar nga organet e rendit që personat të cilët po ndërmarrin veprime të tilla, të dalin para drejtësisë, ndërsa u ka bërë apel qytetarëve të komunës së Vitisë, që të jenë të matur karshi iniciativave që ndërmerren nga persona të pandërgjegjshëm. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.