Arrestohen tre veta, sulmuan personin zyrtar
Mbrëmë në orën 21:30 nga njësitë policore të stacionit policor të Podujevës, janë arrestuar tre persona të dyshuar për veprën penale sulm ndaj personit zyrtar.Rasti ka ndodhur në rrugën “Bahri Fazliu” në Podujevë, në kohën kur të dyshuarit me veturën e tyre duke mos përfillur sinjalistikën rrugore kanë drejtuar automjetin e tyre në rrugën një kahore në drejtim të kundërt.
Me këtë rast ata kanë goditur veturën që ishte duke lëvizur në po të njëjtën rrugë konform sinjalistikës rrugore dhe e drejtuar nga personi zyrtar i cili përkundër identifikimit të tij si person zyrtar, megjithatë është sulmuar fizikisht nga ana e të dyshuarve.
Për t’iu përgjigjur një situate të tillë policia ka dalë në vendin e ngjarjes, ka identifikuar dhe ka vënë nën kontroll të dyshuarit,
Shtetasit B. Jashari (32 vjeç), B. Jashari (20 vjeç), si dhe A. Babatinca (20 vjeç), të cilëve pas marrjes së autorizimit nga ana e Prokurorit Publik, u ka shqiptuar masën e arrestit policor prej 48 orësh për t’i dërguar më pas në qendrën e mbajtjes ku aktualisht hetuesit po ndërmarrin të gjitha veprimet e nevojshme hetimore e procedurale për hetimin e të gjitha rrethanave të rastit, para se rasti t’i kaloj Gjykatës kompetente. /Telegrafi/
