Arrestohet grupi që vidhnin makina në Tiranë

13:03 / 4.02.2013

Policia e Tiranës ka arrestuar 15 persona që kryenin vjedhje të llojeve të ndryshme, duke përdorur dhunë.

Më së shumti ata vidhnin makina në bashkëpunim me njëri-tjetrin, njofton “Balkanweb”.

Këta persona kishin krijuar një rrjet të organizuar mirë. Ata i vidhnin makinat dhe i çonin në pika servisi ku i çmontonin dhe pastaj i shisnin në Laç, Mamurras, Fushë Krujë dhe qytete të tjera. Gjithë veprimtarinë e tyre e organizonin kryesisht në Vorë.

“Dyshohet se autorët merrnin me qira automjete të cilat më pas i përdornin për të kryer vepra të ndryshme penale në Tiranë, Vorë e Kamëz”, tha drejtori i Policisë së Tiranës, Bernard Caushaj. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.