Arrestohet një shqiptar në Greqi
Polica greke ka sekuestruar një sasi të konsiderueshme droge gjatë ditës së sotme. Raportohet se në aksin rrugor Igumenicë-Kipo, në afërsi të Sarandës, janë sekuestruar 62 kilogramë heroinë.Droga me një vlerë prej 3 milionë eurosh dyshohet se ka hyrë në territorin grek nga Shqipëria. Policia greke ka bërë të ditur se ka arrestuar drejtuesin e makinës ku ndodhej droga, i cili është një shtetas shqiptar, transmeton NOA.
Ende nuk është bërë i ditur identiteti i personit të arrestuar, ndërkohë që po vijojnë hetimet për origjinën dhe destinacionin e drogës. /Telegrafi/
