Arrestohet personi që mbante dy kallëp eksploziv
Policia e Durrësit ka neutralizuar dhe ndaluar një 37-vjeçar, pasi dispononte një sasi të konsiderueshme eksplozivi. Agron Shpataj, 37-vjeç u arrestua në hyrje të qytetit pranë një lokali, ndërkohë burime nga policia e qytetit bregdetar bëjnë me dije se Shpataj kishte si synim shpërthimin e tyre.Forcat e xhenios, të cilët kanë mbërritur nga Tirana në Durrës për çmontimin e eksplozivit, kanë mundur të neutralizojnë lëndën plasëse. Ndërkohë, policia ka bërë të mundur arrestimin dhe shoqërimin e Shpataj në polici ku po merret në pyetje në lidhje me ngjarjen, raporton BW.
Nga hetimet paraprake dyshohet se 37-vjeçari kishte një konflikt familjar për të cilin do merrte hak, ndërkohë që dëshmia e tij pritet që të zbardhë edhe ngjarjen. /Telegrafi/
