Arrestohet rrjeti shqiptaro – irakian i drogës
Policia e Aargaut ka arrestuar në Rothrist (Zvicër) dy shqiptarë dhe tre irakianë, të dyshuar për tregti me drogë. Me këtë rast në një shtëpi është gjetur një sasi e madhe e heroinës.Policët civilë kishin përgjuar pjesëtarët e kësaj bande rreth stacionit hekurudhor në Rothrist. Njëri nga dilerët madje i kishte ofruar heroinë policit.
Me këtë rast policia kishte arrestuar një shqiptar 23 vjeçar, i cili po qëndronte në Zvicër pa leje të rregullt të qëndrimit. Pas hetimeve të bëra në vazhdim, policia kantonale ka gjetur në afërsi shtëpinë ku banonte i arrestuari,transmeton Koha.net.
Policët kanë gjetur në atë shtëpi një shqiptar tjetër 27 vjeçar dhe tre irakianë. Me këtë rast në një kthinë, me anë të një qeni të stërvitur policor, është gjetur një sasi e madhe e papërcaktuar e heroinës. Policia ka arrestuar të gjithë personat e implikuar, në këtë tregti, irakianë dhe shqiptarë. /Telegrafi/
