Arrestohet shoferi i Nedelkovicit
Milan Radulovic, i lindur në vitin 1960, është arrestuar të dielën rreth orës 8:30 në pikën kufitare në Jarinë, në momentin kur po tentonte të kalonte kufirin nga Kosova për në Serbi.Sipas burimeve të “Kosovapressit”, Radulovic është vozitësi personal i të ashtuquajturit kryeshef i Qarkut të Rajonit të Mitrovicës, Radenko Nedelkovic.
“Radulovic është arrestuar për dyshimin se ka marrë pjesë në disa vepra penale të vjedhjeve të rënda në territorin e Kosovës që nga viti 2000, ndërsa është dërguar në mbajtje në stacionin policor në veri të Mitrovicës”, bëjnë të ditur burimet. /Telegrafi/
