Arrestohet shpërndarësi i drogës në Tiranë
Një shpërndarës droge është arrestuar mbrëmjen e së martës nga policia e Tiranës. Liman Xhaver Tafhasi, 40 vjeç, banues në Tiranë, i dënuar më parë disa herë për vjedhje është arrestuar me 25 gramë heroinë.Tafhasi është arrestuar pas një operacioni të policisë në dje rreth orës 19.00 në hyrjen e qendrës tregtare “Caza Italia”.
Pas ndalimit të tij nga policia, në xhepin e pantallonave i është gjetur një qese ngjyrë blu brenda së cilës kishte lëndën narkotike, raporton noa.al.
Ndaj tij ka nisur procedimi penal dhe po hetohet për përfshirjen e personave të tjerë në shpërndarjen e drogës. /Telegrafi/
