Athinë, vritet një 36 vjeçar shqiptar
Një 36 vjeçar nga Shqipëria është vrarë gjatë natës me armë zjarri në Athinë, rreth orës 01:15 pas mesnate, kur u sulmua nga persona të armatosur dhe u plagos për vdekje. Ngjarja ka ndodhur në kryeqytetin grek, kur 36 vjeçari ka qenë duke ecur në zonën e quajtur Sepolion ku kryqëzohen rrugët Peisistratus dhe Agios Pantelejmoni.
Viktima, i qëlluar me armë zjarri, u dërgua menjëherë në spitalin e Athinës, ku ndërroi jetë pak kohë më vonë, njofton BalkanWeb.
Policia e Athinës po heton për të identifikuar dhe arrestuar autorët e këtij krimi, por deri tani nuk ka asnjë të dhënë mbi ta. /Telegrafi/
