BBC dokumenton masakrën në Siri

19:36 / 18.01.2013

Koorpotata Mediatike Britanike BBC denoncoi të premten një masakër të ndodhur në Sirinë qendrore, në një fshat pranë qytetit të Homsit.

Një skuadër gazetarësh vizitoi fshatin Haswiya, ku të paktën 100 persona u vranë dhe u dogjën brenda banesave të tyre në datat 15-16 janar.

Ushtarët që përcollën ekipin britanik deri në vendngjarje fajësuan frontin islamik rebel “Al-Nusra” për këtë makabritet. Një banore e mbijetuar mbështeti gjithashtu këtë pretendim.

Megjithatë, një tjetër banore e mbijetuar tha se ishin njësitë famëkeqe paraushtarake të “Shabihës” ato që kryen masakrën dhe se disa ushtarë të rregullt u kanë kërkuar falje.

Aktualisht, nuk mund të përcaktohet se cilët ishin autorët e kësaj masakre, transmeton TCH.

Ishin burime të kryengritësve ata që informuan ekipin e BBC-së për atë që kishte ndodhur në Haswiya, ndërsa ushtria informoi se të gjithë trupat ishin larguar nga fshati, por ekipi i reporterëve arriti të gjente disa dhjetëra kufoma, shumë prej të cilave të karbonizuara ose të dëmtuara në një shkallë të tillë sa identifikimi bëhej i pamundur me sy të lirë.

Duket se shumica e vdekjeve u shkaktuan nga breshëritë e mitralozave dhe armëve të tjera automatike, me dhjetëra shenja plumbash në çdo shtëpi.

Pas masakrës, autorët e këtij krimi të përbuzshëm i vunë flakën disa banesave në përpjekje për të fshehur gjurmët.

BBC konfirmoi se midis të vdekurve, kishte edhe gra e fëmijë. Disa të mbijetuar u thanë reporterëve se masakra ka marrë jetën e të paktën 100 personave.

Homsi është krahina me bilancin më të lartë të viktimave në luftën civile siriane, e cila i ka marrë deri më tani mbi 60 mijë personave dhe ka shpërngulur katër milionë të tjerë. /Telegrafi/

 

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.