BE diskuton incidentin e “arinjve lodra”
Diplomatët evropianë janë duke zhvilluar bisedime urgjente për t’iu përgjigjur Bjellorusisë për dëbimin e diplomatëve suedezë apo për incidentin tashmë të njohur të “arinjve lodra”.Mosmarrëveshjet kanë nisur kur një aktivist suedez, muajin e kaluar, ka hedhur më shumë se 800 arinj lodra pranë Minskut, me mesazhe pro lirisë së shprehjes.
Në përgjigje të kësaj, Bjellorusia ka dëbuar ambasadorin suedez dhe personelin diplomatik.
Një zëdhënëse e shefes për politikë të jashtme të BE-së, Catherine Ashton, tha se “diplomatët do të shqyrtojnë përgjigjen e duhur të Unionit Evropian”, transmeton REL.
Masat mund të përfshijnë rekomandimin për mbylljen e të gjitha ambasadave të BE-së në Minsk, ndonëse vendimi do t’iu lihej qeverive individuale. /Telegrafi/
