Beograd mohon mundësinë e takimit Thaçi-Nikolic
Presidenti i Serbisë, Tomislav Nikolic nuk do të takohet me kryeministrin e Kosovës, Hashim Thaçi gjatë mbledhjes së Asamblesë së Përgjithshme të OKB-së në New York, kanë thënë në Kabinetin e shefit të shtetit serb në Beograd.Nuk ka gjasa që diçka e këtillë të ngjajë, kanë thënë përfaqësuesit e Zyrës së Informimit të Presidencës së Serbisë, raporton FoNet-i.
Këto burime kanë konfirmuar se presidenti Nikolic ka porositur se për te takimi me kryeministrin kosovar është i papranueshëm.
“Nuk mund të takohem me atë për të cilin flitet se ka kryer krime ndaj serbëve, deri sa të vërtetohet se është apo nuk është kjo e vërtetë”,citohet të ketë thënë Nikolic, transmeton RTV21.
Lajmi për takimin e mundshëm të Nikolicit dhe Thaçit, sipas mediave të Beogradit “ e kanë sajuar mediat e Kosovës ”, sipas të cilave “përfaqësuesja e lartë e Bashkimit Evropian, Catherine Ashton do të iniciojë bisedimet ndërmjet Thaçit dhe Nikolicit në margjinat e Mbledhjes Plenare të OKB-së në New York”. /Telegrafi/
