Beogradi publikon së shpejti platformën për Kosovën
Ministri serb i Drejtësisë, Nikola Selakovic, ka deklaruar të enjten se kreu shtetëror serb do të publikojë në ditët e ardhshme platformën që Beogradi ka hartuar për Kosovën.“Kreu shtetëror në ditët e ardhshme do t’i publikojë informacionet për platformën e përbashkët të hartuar për Kosovën”, i ka thënë Selakovic, agjencisë serbe të lajmeve “Beta”.
Në anën tjetër, kryetari i Kuvendit të Serbisë, Nebojsa Stefanovic, ka deklaruar se platforma është në fazën finale dhe se presidenti i Serbisë, Tomislav Nikolic, do ta prezantojë atë në Kuvend të hënën, më 17 dhjetor. /Rel/Telegrafi/
