Berisha: Ahmadinexhad si Hitleri
Kryeministri i Shqipërisë, Sali Berisha ka dënuar ashpër deklaratën e fundit të Presidentit të Iranit, Mahmud Ahmadinexhad, kundër ekzistencës së Izraelit.Kreu i qeverisë shqiptare thekson se Ahmedinexhad përbën një kërcënim real për paqen në Lindjen e Mesme, ndërsa e quan atë një pasardhës të Hitlerit, për mënyrën si i përçmon hebrenjtë.
"Me deklaratën e tij të fundit se nuk do ketë vend në Lindjen e Mesme për Izraelin, Presidenti i Iranit, Ahmedinaxhad dëshmon në mënyrë të përsëritur se ai ndan me Hitlerin dhe lejtenantët e tij qëndrime dhe ideologji identike për hebrenjtë dhe kombin e tyre. Me këto qëndrime, Ahmedinexhad dëshmon se ai dhe ideologjia e tij janë një kërcënim real madhor dhe në rritje për paqen dhe stabilitetin në Lindjen e Mesme dhe në mbarë botën”, thuhet në deklaratën e Berishës, transmeton BalkanWeb.
Berisha thekson më tej se, “deklaratat naziste e paranojake të Ahmedinexhad janë një thirrje e vërtetë për ndalimin me çdo kusht dhe mjet të programit nuklear të Iranit, si një ndër rreziqet më madhore të paqes botërore sot". /Telegrafi/
