Bie nga kati i dytë, humb jetën 57-vjeçari
Një person ka humbur jetën mesditën e së dielës pasi ka rënë nga ballkoni i banesës së tij në Tiranë.Ngjarja tragjike ka ndodhur në zonën pranë Unazës së Re në kryeqytet, ku shtetasi Murat Hasimllari rreth 57 vjeç ka rënë nga ballkoni i banesës së tij, që ndodhej në katin e dytë.
Si pasojë ai ka gjetur vdekjen e menjëhershme, ndërkohë që ende nuk dihen arsyet e rënies së tij, transmeton noa.al.
Menjëherë në vendin e ngjarjes kanë shkuar forcat e policisë, të cilët po punojnë për zbardhjen e ngjarjes. /Telegrafi/
