Blomeyer: Rrota e historisë nuk kthehet prapa

8:12 / 22.12.2012

Ambasadori i Gjermanisë në Kosovë, Peter Blomeyer, ka thënë se Platforma e Serbisë nuk është relevante.

“Kjo platformë nuk është miratuar ende. Dialogu është duke u zhvilluar në Bruksel. Temat në këtë dialog janë caktuar nga Baronesha Ashton. Po ashtu, për atë se si procedohet ky dialog, këtë e përcakton Baronesha Ashton. Kështu që besoj që Platforma e Serbisë nuk është relevante” ka thënë Blomeyer për “Epokën e Re”.

Ai ka thënë se duhet të përqendrohemi që edhe në të ardhmen Kosova dhe Serbia të dialogojnë sipas agjendës së Baroneshës Ashton e të mos “përqendrohemi në idetë dhe mendimet e ndryshme që vijnë nga kushdo”.

Ambasadori gjerman edhe njëherë ka përsëritur mbështetjen e Gjermanisë për Kosovën.

“Gjermania i mbështet pavarësinë e Kosovës dhe integritetin territorial të saj, për faktin se rrota e historisë nuk mund të kthehet prapa” ka thënë Blomeyer. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.