Blushi: Më 23 qershor do humbni me turp

12:19 / 31.01.2013

Deputeti i Partisë Socialiste, Ben Blushi, gjatë diskutimit në Kuvend për ndarjen e mandateve të deputetëve sipas qarqeve, u shpreh se kjo nuk mund të vendoset me kartonë por atë e vendosin qytetarët. Blushi theksoi se Partia Demokratike nuk mund të përcaktojë rregullat e lojës vetëm për faktin se është shumicë.

Rregullat e lojës përcaktohen bashkë me kundërshtarin. Kemi rënë dakord që numri i mandateve me formulë të ndahet sipas lëvizjes së popullsisë. Ju keni vendosur që të mos merrni parasysh zhvendosjen e popullsisë këto katër vjet. Ky është vendimi i njëanshëm që nuk ju çon asgjëkund. Nëse vendosni sot ta ndani Shqipërinë si të doni ky quhet depërtim. Është e trishtueshme ta them por ju po u thoni njerëzve mos lindi para zgjedhjeve ose mos vdisni pa votuar për ne”, u shpreh Blushi.

Deputeti i PS-së tha se mazhorancë po krijon një specie që bota nuk e ka njohur dhe që jeton vetëm për ditën e zgjedhjeve. “Kukësi është zvogëluar, Dibra, Shkodra, Korça, njerëzit kanë ardhur në dy qarqet më të mëdha në Tiranë dhe Durrës. Nuk jemi ne që vendosim por ata që kanë ikur nga disa qarqe dhe kanë ardhur në Tiranë dhe Durrës”, u shpreh Blushi, raporton Shekulli.

Ish-kreu i grupit parlamentar të PS-së shtoi se pavarësisht se mazhoranca mund të ndryshojë rregullat e lojës ajo me 23 qershor do të humbë me turp. “Ajo që po bëni sot ju është si një kampionat futbolli, ai që ka fituar kampionatin pararendës vendos rregullat dhe kërkon që porta juaj të jetë më e vogël se e jona. Mandatet e 23 qershorit i kanë ndarë shqiptarët, nuk kemi asnjë mundësi për ta vendosur ne. Ju thoni jetoni për të votuar, ne u themi votoni për të jetuar më mirë. Pavarësisht se ca do bëni sot ju do humbin, me turp sigurisht”, theksoi Ben Blushi i PS-së. /Telegrafi/

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.