Britania ekstradon në SHBA klerikun islamik
Britania ka ekstraduar klerikun islamik, Abu Hamza al-Masri, në Shtetet e Bashkuara, për të përballur me akuzat për terrorizëm. Policia ka marrë al-Masrin nga një burg i sigurisë së lartë në pjesën qendrore të Anglisë, për t’iu dorëzuar autoriteteve amerikane së bashku me katër terroristë të tjerë të dyshuar.
Të premten, Gjykata e Lartë në Londër ka vendosur që pesë të dyshuarit të ekstradohen menjëherë në Shtetet e Bashkuara për gjykim.
Siç raporton “Evropa e Lirë”, refuzimi i ankesave të të dyshuarve u ka dhënë fund betejave gjyqësore për ekstradimin.
Al-Masri akuzohet nga autoritetet amerikane për mbështetje të Al Qaedes dhe komplot për hapjen e një kampi militant në Shtetet e Bashkuara. /Telegrafi/
