Bullgaria, kundër anëtarësimit të Maqedonisë në BE

20:30 / 11.12.2012

Bullgaria është kundër caktimit të një date për fillimin e bisedimeve të anëtarësimit në BE për Maqedoninë, deklaroi të martën Sofja zyrtare.

“Bullgaria është në listën e atyre vendeve që kundërshtojnë caktimin e një date për fillimin e negociatave”, thuhet në deklaratën zyrtare të Qeverisë bullgare.

Maqedonia është një vend kandidat që prej vitit 2005, por avancimi i mëtejshëm është bllokuar si pasojë e vetos greke për problemet me emrin, transmeton TCH.

Megjithatë, ndërsa e ardhmja evropiane e Maqedonisë është rikthyer në rendin e ditës, Bullgaria duket e vendosur që të kushtëzojë aprovimin e saj me raportet e “fqinjësisë së mirë”.

”Bullgaria mbështet zgjerimin e mëtejshëm të Bashkimit Evropian me vendet e Ballkanit Perëndimor, por kjo mund të ndodhë vetëm duke respektuar fqinjët dhe duke ndërprerë fushatën antibullgare që po realizojnë aktualisht autoritetet maqedonase”, shkruhej në deklaratën e firmosur nga presidenti Rosen Plevneliev dhe kryeministri Bojko Borisov.

Bullgaria ishte vendi i parë që njohu shtetin e pavarur maqedonas në 15 janar 1992.

Megjithatë, Sofja pretendon se maqedonasit kanë origjinë bullgare dhe se gjuha e tyre është një dialekt i bullgarishtes, diçka të cilën Shkupi e përgënjeshtron me forcë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.