Bulqizë, humbin jetën dy minatorë
Një aksident i rëndë në minierën e Zonës së Re në Martanesh, u ka marrë jetën dy minatorëve që po punonin aty gjatë ditës së hënëSipas burimeve nga policia, dy minatorët humbën jetën, pasi u zunë poshtë nga një masiv gurësh.
Mësohet se minatori Vebi Stafa, 58 vjeç, ka vdekur pa mbërritur ende në spitalin e Burrelit, ndërsa 25-vjeçari Ermal Elezi mbërriti në spital me plagë të rënda, por fatkeqësisht nuk arriti të mbijetonte.
Ndërkohë policia ka mbërritur në vendngjarje dhe po punon për të zbardhur rrethanat e ngjarjes së rëndë, transmetojnë mediat.
Një aksident i ngjashëm ndodhi më 30 gusht në minierën e Martaneshit, ku minatori Murat Kaceli humbi jetën ndërsa Abdullah Hoti u plagos rëndë, pasi u zunë poshtë nga një masiv dheu ndërsa po punonin në galeri. /Telegrafi/
