Burri vret bashkëshorten
Bashkëshorti vret mizorisht gruan nën efektin e alkoolit. Ngjarja e rëndë u shënua sot në mbrëmje në Laprakë, kur shtetasi Edmond Doku, 45 vjeç, ka qëlluar me thikë për vdekje bashkëshorten e tij, Rolanda Doku, 36-vjeçe, në banesen e tyre.Nga hetimet paraprake të policisë dyshohet se burri ka qëlluar disa herë me thikë bashkëshorten, në gjendje të dehur. Edmond Doka kishte konsumuar alkool para se të ndërmerrte veprimin fatal.
Bashkëshorti është arrestuar dhe është shoqëruar në komisariatin më të afërt të policisë.
Mësohet gjithashtu se çifti Doka ishte në prag divorci. Ata ishin regjistruar në Gjykatë për t’u divorcuar dhe madje gruaja ka qenë për një periudhë kohe nën mbrojtjen e policisë. Policia bënë të ditur se Rolanda Dokut i kishte përfunduar afati i urdhrit të mbrojtjes prej pak ditësh. Ka qenë ky momenti që burri ka shfrytëzuar për t’i marrë jetën gruas së tij, për të cilën mësohet se dhunohej vazhdimisht nga bashkëshorti, shkruan BW.
Çifti kishte mosmarrëveshje prej kohesh dhe shkak ishin bërë kushtet e vështira ekonomike në të cilat ndodhej familja Doka. /Telegrafi/
