Buzhala: Kurti, ogur i zi i politikës kosovare

12:57 / 13.12.2012

Seanca e Kuvendit ka nisur me deklarime dhe pyetje parlamentare. Partia Demokratike e Kosovës përmes deputetit Berat Buzhala, ka kërkuar nga Lëvizja Vetëvendosje që të distancohet nga veprimet antiamerikane. Ndërsa, ministri i Ekonomisë Besim Beqaj duke iu përgjigjur interesimit të Vetëvendosjes për kodin e përbashkët telefonik, tha se Kosova është e gatshme të pranojë kodin 355.

Berat Buzhala, nga Partia Demokratike e Kosovës, në seancën e sotme ka kërkuar në emër të Grupit parlamentar të PDK-së, që Lëvizja Vetëvendosje të distancohet nga deklarimet e saj antiamerikane. Ai tha se Vetëvendosja është e vetmja parti shqiptare që është kundër SHBA-ve, transmeton RTK.

“Lideri i VV-së Albin Kurti është një ogur i zi për politikën kosovare, me kërcënimin që ua ka bëtë SHBA-ve. Badihava marshojnë marshallët e VV-së, por këtë më së miri na kanë bërë të ditur tre ambasadorët të SHBA-së”, tha Buzhala.

Por, në anën tjetër, kryesuesi i seancës Jakup Krasniqi, ka ndërprerë polemikat mes PDK-së dhe VV-së duke thënë se “është kryer pika e rendit të ditës “hajt pak”.

Në kohën e pyetjeve parlamentare, deputeti i Lëvizjes Vetëvendosje, Visar Ymeri ka kërkuar nga ministri i Ekonomisë, Besim Beqaj sqarime rreth fillimit të negociatave për zëvendësimin e kodit aktual telefonik me atë të Shqipërisë. Ministri Beqaj ka thënë se ka pasur lëvizje të theksuara në këtë drejtim dhe Kosova e pranon kodin 355.

Ndërsa deputeti i LDK-së, Haki Demolli, ka shprehur shqetësimin për përdorimin e standardeve të dyfishta nga ana e Policisë së Kosovës karshi ngjarjeve në vend.

Ai ka kërkuar nga Policia e Kosovës trajtim parimor, të drejtë ndaj të gjithë qytetarëve pavarësisht se ku protestojnë.

Ndërkohë deputetët nga ngritur shqetësime edhe për korrupsion, efikasitet të gjyqësorit, dhe mos respektim të ligjeve nga ana e zyrtarëve të lartë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.