Çeku priti senatorin Beall të Ajovas
Ministri i FSK-së Agim Çeku, i shoqëruar nga zëvendësministri Shemsi Veseli dhe këshilltarja për Siguri Besa Kabashi, pritën sot Daryl Beall senator i shtetit të Ajova në SHBA. Vitin e kaluar MFSK dhe FSK-ja kanë nënshkruar Marrëveshjen për Bashkëpunim dhe Partneritet me shtetin amerikan Ajova. Ky bashkëpunim aktualisht është duke u zhvilluar në mënyrë intensive në shumë fusha. Për zgjerimin e këtij bashkëpunimi shkëmbehen delegacione dhe vizita pune në të dy drejtimet.
Në takim ministri Çeku e njoftoi mysafirin me zhvillimet në FSK dhe fushat e mundësisë së thellimit të bashkëpunimit në mes të dy shteteve.
Një theks i posaçëm u vu mbi nevojën e zgjerimit të këtij bashkëpunimi edhe jashtë fushës ushtarake, që bashkëpunimi të zhvillohet edhe në fushat civile në mes të dy vendeve me interes të përbashkët. /Telegrafi/`
