Çështja e emrit, temë diskutimi mes Lajcak dhe Clinton
Maqedonia dhe çështja e emrit raportohet të kenë qenë temë e diskutimeve mes zëvendëskryeministrit, njëherësh ministër për Punë të Jashtme i Sllovenisë, Miroslav Lajcak, me sekretaren amerikane të Shtetit, Hillary Clinton.Ata, siç informon Ambasada sllovene në Washington, kanë diskutuar për integrimet euroatlantike të vendit tonë, që rezultojnë të bllokuara prej vitesh si pasojë e kontestit të emrit me Greqinë.
“Duke pasur parasysh ngjarjet e skenës botërore dhe sfidat me të cilat ballafaqohen SHBA dhe BE, do të ishte më së miri po që se vendet ballkanike do të vijonin punën në realizmin e reformave të tyre dhe proceseve integruese dhe të propozonin zgjidhje për problemet që ekzistojnë”, thuhet në kumtesën e Ambasadës sllovene në SHBA mbi takimin Lajcak-Clinton, transmeton Zhurnal.
Washingtoni, thuhet më tej në këtë kumtesë, i njeh mirë ngjarjet dhe situatën në Ballkanin Perëndimor dhe është i gatshëm të bashkëpunojë me BE-në për t’i afruar ato pranë BE-së dhe NATO-s.
Ndryshe, zëvendëskryeministri Lajcak është përkrahës i anëtarësimit të vendeve ballkanike në organizatat euroatlantike. /Telegrafi/
