Cliff: Kosovën nuk e kanë njohur 98 shtete

23:57 / 17.02.2013

Në përvjetorin e pestë të pavarësisë së Kosovës, ambasadori britanik, Ian Cliff ka folur për të arriturat dhe sfidat që presin në të ardhmen Kosovën. Ai ka thënë se “Kosovën deri tash nuk e kanë njohur 98 shtete, sepse tek shtet si: Uganda e Nigeria edhe më tej disa çështje janë të paqarta”.

Pavarësisht nga këto paqartësi, Cliff ka vlerësuar se procesi i njohjeve ka ecur mirë dhe ka shënuar progres.

“Britania e Madhe ka lobuar dhe po lobon në vazhdimësi që sa më shumë shtete ta njohin Kosovën shtet i pavarur. Lobues të mëdhenj kanë qenë dhe mbesin edhe Franca, Shtetet e Bashkuara dhe partnerë tjerë ndërkombëtarë”, ka thënë ambasadori Clff, transmeton portali infoGLOBI.

Ai ka përkujtuar se “nuk duhet harruar që procesi i lobimit nuk është i lehtë, sepse ka vende si ato në Karaibe e të ngjashme, ku ndoshta as që e dinë se ku ndodhet Kosova. Pastaj sa ka lobim, ka edhe shtete, si Serbia që lobon kundër njohjes. Fuqia e kësaj të fundit në lobim ka rënë, megjithatë ajo ende ekziston”.

Duke iu referuar mbështetjes që Britania e Madhe dhe perëndimi në përgjithësi bën për Kosovën, Cliff ka shpjeguar se Britania mbështet Kosovën në kuptim të përmbushjes së standardeve për liberalizim të regjimit të vizave dhe anëtarësim në Bashkimin Europian.

“Gjatë pesë vjetëve të fundit janë bërë gjëra të mira, por ka ende shumë për tu bërë, sidomos në fushën e sundimit të rendit dhe ligjit, pastaj në fushën e tregtisë, industrisë së rëndë e minierave”, ka thënë Cliff dhe ka përkujtuar se në Kosovë nuk ekziston një atmosferë shumë miqësore për bizneset e interesuara të investojnë në fushën e industrisë së rëndë, “pra këtu ka mjaft për tu bërë”. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.