Dasma e përgjakshme
Një person ka mbetur i vdekur dhe dy të tjerë janë plagosur gjatë një sherri, në një ceremonie martesore në Elbasan.Ngjarja e rëndë ka ndodhur rreth orës 19:00 të pasdites së sotme në fshatin Jagodinë, të Elbasanit ku disa persona janë grindur mes tyre dhe si pasojë ka mbetur i vrarë me thikë 56-vjeçari P. Belegu nga Çerma e Lushnjes, raporton NOA.
Gjithashtu, mësohet se gjatë sherrit janë plagosur edhe dy vëllezërit, M. dhe E. Dushku nga fshati Jagodinë.
Të plagosurit janë dërguar menjëherë në spitalin e Elbasanit, ku po marrin mjekimin e duhur.
Policia ka shkuar në vendin e ngjarjes dhe ka identifikuar si autorin e krimit, shtetasin B. Esja dhe është vënë në kërkim të tij.
Ende nuk dihen arsyet e këtij sherri që përfundoi me vrasjen e një personi dhe plagosjen e dy të tjerëve, ndërkohë që policia po punon për zbardhjen e plotë të ngjarjes. /Telegrafi/
