Data për Serbinë varet nga dialogu me Kosovën
Shefi i diplomacisë gjermane, Guido Westerwelle ka deklaruar se Gjermania e mbështet Serbinë në rrugën e saj kah Bashkimi Evropian, por, që vendimi për datën e negociatave varet nga rezultatet konkrete të dialogut mes Beogradit dhe Prishtinës dhe se bisedimet e kësaj jave janë të një rëndësie të madhe për këtë proces.“Gjermania nuk do të paraqesë kërkesa të reja, por, as nuk do të heqë dorë nga kriteret e vendosura”, ka thënë Westerwelle në konferencën për gazetarë pas takimit me zëvndëskryeministrin e Serbisë, Aleksandër Vucic.
Raundi i sotëm i bisedimeve në Bruksel ka përfunduar pa rezultate, derisa kryeministri kosovar Hashim Thaçi dhe ai serb Ivica Dacic do të takohen sërish më 4 mars. /Telegrafi/
