Në mes të transmetimit direkt të një emisioni televiziv, ku dy persona në mënyrë relativisht të civilizuar diskutonin për luftën civile në Siri, ndodhi një incident mes dy mysafirëve “kundërshtarë”.
Lufta civile po shkakton polemika në tërë botën, por për situatën në shtetin në të cilin ende sundon Bashar al-Assadi, po debatohet më ashpër në botën arabe, sidomos në vendet në kufi me Sirinë.
Ilustrimi i fundit për këtë atmosferë të tensionuar vjen nga televizoni i Libanit, al-Manar. Moderatori pa sukses tentonte të qetësonte dy mysafirët, nga të cilët njëri ishte mbështetës i zjarrtë i Assadit, derisa tjetri e mbështeste opozitën.
Debati eskalon sa që për pak nuk ndodhë një rrahje e rënd. Një nga mysafirët e kap tjetrin për fytyre e pastaj e hedh gotën e ujit. Disa sekonda më vonë e kap një gotë tjetër dhe përmbajtjen e derdh mbi kundërshtarin e tij.
Në këtë moment reagon regjia, për çka emisioni ndërpritet. Mysafirët më vonë i kanë kërkuar falje njëri-tjetrit. /Telegrafi/
Komente
Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.
