Dedaj rizgjidhet kryetar i PLK-së

18:47 / 22.12.2012

Partia Liberale e Kosovës ka zhvilluar punimet Kongresi i VI Zgjedhore dhe njëkohësisht ka shënuar 21 vjetori i themelimit, me ç’ rast 165 delegatwt pjesëmarrës aprovuan programin dhe statutin e ri dhe zgjedhën Këshillin Kombëtar, kryesinë dhe Gjergj Dedajn kryetar të PLK-së.

Delegatët po ashtu aprovuan një Rezolutë të Kongresit, e cila do t’i dërgohet Aleancës Liberale Demokratike të Evropës dhe presidentit të ALDE, Sir Graham Watson dhe institucioneve tjera të rëndësishme evropiane dhe atyre vendore.

Përmes kësaj rezolute kërkohet përshpejtimi i proceseve integruese të Kosovës në Bashkimin Evropian, NATO dhe OKB, liberalizimi i vizave për qytetarët e Kosovës dhe mbështetja e vazhdueshme për sovranitetin dhe integritetin territorial të Republikës së Kosovës dhe perspektives Evropiane.

Kongresi i PLK-se i dha mbështetje liderëve të institucioneve të Republikës së Kosovës për negociatat teknike nën mbikëqyrjen e Bashkimit Evropian dhe Administratës se SHBA-ve me autoritetet e Serbisë për zgjidhjen e çështjeve bilaterale ndërmjet dy shteteve tona dhe tejkalimin e pasojave të së kaluarës si dy vende fqinje dhe sovrane

Në fund u nda edhe mirënjohja e PLK-së “Marije Shllaku”, profesorit Ramiz Kelmendi, post mortum patriotit Ndue Perlleshi dhe Zonjes Jozefina Topalli, kryetare e Kuvendit të Republikës së Shqipërisë, ndërsa për aktivistet e dalluar të PLK-së u dha fletë falënderimi Liberatori.  /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.