Deger: Njohja e Kosovës s’është kusht për Serbinë

18:52 / 13.02.2013

Shefi i delegacionit të Bashkimit Evropian në Beograd, Vincent Deger, ka thënë se pranimi i shtetësisë së Kosovës nuk është kusht për anëtarësimin e Serbisë në BE.

“Kushtet i cakton Këshilli i Evropës dhe jo politikanë të caktuar apo parlamentarë të vendeve anëtare”, ka thënë Deger.

Deklaratat e tij pasojnë ato të shefes së Këshillit për Marrëdhënie me Jashtë të Francës, Elizabet Gigu, e cila ka thënë se pranimi i Kosovës mund të jetë parakusht për perspektivën evropiane të Serbisë, “ndonëse nuk është përmendur ende zyrtarisht”, transmeton Rel.

I pyetur nga mediat serbe për pritjet e Beogradit që në qershor të marrë datën e negociatave për anëtarësim në BE, Deger ka thënë se “duhet pasur besim” nëse deri atëherë plotësohen kushtet.

“Mund të dëgjoni mendime të ndryshme të parlamentarëve dhe politikanëve, por në mesin e vendeve anëtare ekziston konsensus për nevojën e normalizimit të marrëdhënieve midis Beogradit dhe Prishtinës”, ka thënë Deger.

Prishtina dhe Beogradi kanë zhvilluar deri më tash katër raunde bisedimesh në nivel kryeministrash.

Takimi i radhës midis Hashim Thaçit dhe Ivica Dacicit është paraparë për 19 shkurt në Bruksel. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.