Del Ponte: Në Siri kanë ndodhur krime kundër njerëzimit
Ish-kryeprokurorja e Tribunalit të Hagës, Carla Del Ponte, e cila është anëtare e Komisionit hetues të OKB-së për krimet në Siri, ka thënë se në shtetin sirian kanë ndodhur krime kundër njerëzimit dhe krime lufte.Anëtarja e Komisionit hetues të OKB-së për krimet në Siri ka shprehur bindjen se do të identifikojë të gjithë përgjegjësit e tyre, transmeton AFP.
“Detyra ime kryesore do të jetë vazhdimi i hetimeve dhe konfirmimi i përgjegjësisë së zyrtarëve të lartë politikë dhe ushtarakë, të dyshuar për kryerjen e krimeve”, ka thënë Del Ponte para gazetarëve.
Sipas të dhënave të organizatave joqeveritare, në Siri, që nga shpërthimi i konfliktit në mars të 2011-së, kanë humbur jetën mbi 35.000 njerëz. /Telegrafi/
