Demaçi: Takim për shtrëngim duarsh dhe “syreta”

18:00 / 5.02.2013

Veprimtari i çështjes kombëtare dhe ish i burgosuri politik, Adem Demaçi ka thënë se presidentja e Kosovës do të duhej të takohej me homologun e saj serb, vetëm atëherë kur ai paraprakisht do të kërkonte falje për krimet e Serbisë të kryera në Kosovë.

Demaçi nuk është optimist se në takimin e nesërm në Bruksel, mes presidentes Atifete Jahjaga dhe atij të Serbisë, Tomislav Nikolic do të ketë diçka serioze.

“Nuk pres asgjë, bash asgjë nga ky takim, pos një shtrëngim duarsh apo ndërrim kartëvizitash dhe ndonjë syret aty-këtu, sepse Serbia nuk lëshon pe asgjë. Beogradit i duhen këto takime për ta nxituar procesin e rrugëtimit të saj drejt BE-së”, tha Demaçi, për agjencinë e lajmeve “Presheva jonë”.

Ai ka thënë se ky takim do të kishte kuptim nëse presidenti serb paraprakisht do tui kërkonte falje shqiptarëve të Kosovës për krimet e Serbisë të kryera mbi ta.

“Nëse nesër presidentja e Kosovës Jahjaga kërkon nga Nikolic, që ai, sikur Tadic në Srebrenicë, t’i kërkojë falje populli shqiptar në Kosovë për krimet dhe masakrat dhe nëse kërkohet po ashtu që Beogradi të ndal politikën diskriminuese ndaj vëllezërve tanë në Preshevë, atëherë ky takim mund të thuhet se është serioz. Kjo do të dëshmojë se Serbia është e interesuar për fqinjësi të mirë dhe nuk e ka hallin që të takojë presidenten tonë për interesa të Beogradit, me qëllim të përshpejtimit të proceseve integruese të Serbisë drejt BE-së”, ka thënë Demaçi. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.