Dhuna në Egjipt, dorëhiqet një ministër

8:59 / 5.02.2013

Ministri i Kulturës i Egjiptit ka dhënë dorëheqje, në shenjë proteste ndaj një videoje, ku shfaqet policia duke rrahur dhe zvarritur një njeri lakuriq pranë pallatit të presidentit.

Publikimi egjiptian shtetëror “Al-Ahram”, tha se një zëdhënës i kabinetit ka konfirmuar se ministri i Kulturës, Saber Arab ka paraqitur dorëheqjen e tij.

Departamenti Amerikan i Shtetit i bëri thirrje të hënën Egjiptit, që të hetojë të gjitha akuzat për abuzim të kryer nga zyrtarët e sigurisë, raporton Rel.

Zëdhënësja Viktoria Nuland, tha se vendosja para drejtësisë e autorëve, është mënyra më e mirë për të parandaluar përsëritjen e keqbërjes.

Kundërshtarët e presidentit egjiptian Muhamed Morsi thonë se vdekjet dhe abuzimet e kryera nga ana e policisë tregojnë se forcat e sigurisë nuk janë reformuar, që nga rrëzimi i Hosni Mubarakut.

Rreth 60 njerëz janë vrarë në 10 ditët e fundit nga përleshjet në Egjipt. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.