Digjen dhjetëra hektarë pyje në Drenas

Në vendin e ngjarjes kanë dalë zjarrfikësit e Drenasit dhe të Lipjanit që kanë lokalizuar zjarrin, mirëpo të martën paradite sërish ka nisur zjarri dhe ende nuk është shuar.

Drejtori i Shërbimeve Publike dhe Emergjencë në Drenas, Sokol Krasniqi, ka thënë se nga flaka janë përfshirë malet e territorit të Komunës së Drenasit dhe të Fushë Kosovës si dhe një pjesë e maleve të Komunës së Lipjanit.

Sipas tij janë dëmtuar nga zjarri mbi 50 hektar pyje, ndërsa flaka ka përfshi djegien e pyjeve edhe në ditën e martë.

“Kjo është vepër e dorës se njeriut dhe duhet ndëshkuar piromanet. Vetëm këtë vit janë dëmtuar qindra pasuri natyrore te pyjeve dhe askush nuk është ndëshkuar për veprën e qëllimshme, kurse të gjitha rastet janë zjarrvënie nga faktori njeri”, ka thënë Krasniqi, transmeton Koha.net. /Telegrafi/