Drogë nga Lazarati drejt Greqisë, arrestohen tre rumunë
Policia kufitare në Kakavijë ka sekuestruar 2.3 kg marihuanë, ndërsa ka arrestuar tre shtetas rumunë që e transportonin atë.Personat e arrestuar janë: Claudiu Serban, Lulan Crauciuc dhe Florian Badea, të tre nga 24 vjeç, lindur dhe banues në Tragovistë Rumani.
Arrestimi i tyre u bë pasi gjatë një kontrolli në automjetin tip Renault "Clio" me targa rumune B 37 LAO, që drejtohej nga shtetasi rumun Claudiu Serban, ka rezultuar se në gomën rezervë të këtij automjeti, brenda gomës janë evidentuar disa pako ku brenda tyre kishte lëndë narkotike e llojit marihuanë.
Sipas policisë në brendësi të gomës u gjetën 15 pako të vogla të mbështjella me plasmas, me peshë të ndryshme, ku brenda tyre kishte lëndë narkotike, gjithsej 2.5 kilogramë marihuanë.
Sipas policisë, tre shtetasit rumunë e kishin blerë lëndën narkotike në Lazarat dhe do ta shisnin atë me doza të vogla në Rumani. /Noa/Telegrafi/
