Durrës, kapen 4 kosovarë me pasaporta të falsifikuara
Policia e Portit të Durrësit ka nisur procedimin penal ndaj katër qytetarëve nga Kosova, të cilët kanë tentuar të udhëtojnë drejt Italisë me pasaporta dhe dokumente jo të rregullta. Të katër kosovarët kanë paraqitur në pikat e kontrollit dokumente origjinale identifikimit, por që u përkisnin personave të tjerë dhe që kishin ngjashmëri fizike me ta.Qytetari me inicialet M.A., 23 vjeç, banues në Gjilan, Kosovë, ka paraqitur në doganë një pasaporte serbe, të cilën e përdorte duke shfrytëzuar ngjashmërinë fizike.
Po ashtu dhe 18-vjeçari me inicialet M. Z banues në Suhareke Kosovë, ka paraqitur në portin e Durrësit, një pasaporte biometrike të Maqedonisë , me gjeneralitete të një shtetasi tjetër, por duke shfrytëzuar ngjashmërinë fizike me të, raporton noa.al.
Një njëjta situata ka ndodhur dhe me 23-vjeçarin R.M., banues në Pejë të Kosovës. Ai është kapur nga polica, teksa ka qenë duke udhëtuar drejt Italisë, me një pasaportë të një shtetasi tjetër.
Ndërsa qytetari me inicialet F.G., 21 vjeç, banues në Malishevë të Kosovës ka paraqitur një pasaportë dhe një lejë qëndrimi italiane, që i përkisnin një qytetari tjetër, por që kishte ngjashmëri me të.
Policia ka nisur procedimin penal ndaj katër të rinjve për falsifikim dokumentesh. /Telegrafi/
