Dy muaj arrest shtëpiak për ish-drejtorin e Spitalit të Gjilanit
Kolegji gjyqësor në Gjilan, i kryesuar nga Ramiz Azizi, kryetar, i ka caktuar masën e arrestit shtëpiak edhe për dy muaj Xhavit Hajdarit, ish-drejtor i spitalit të Gjilanit, i dyshuar për veprën penale “marrje e ryshfetit”. Përveç që i është vazhduar masa e arrestit shtëpiak, kundër Hajdarit është ngritur edhe aktakuza nga ana e Prokurorisë Komunale.
Kryeprokurorja komunale, Rabije Jakupi tha se prokurori Esat Ademi e ngarkon Hajdarin për veprën penale “marrje ryshfeti”, raporton Rajonipress.
Ndryshe kjo është aktakuza e dytë që ngrihet ndaj Hajdarit. Aktakuza e parë e ngarkon atë për nxjerrje të vendimeve të kundërligjshme, shpërdorim të pozitës zyrtare, arkëtim dhe pagesa të paligjshme. /Telegrafi/
