Dy të vdekur në aksidente trafiku
Dy persona kanë humbur jetën, si pasojë e dy aksidenteve të trafikut, të cilat kanë ndodhur gjatë 24 orëve të fundit në rrugët e Kosovës.Policia raporton se në fshatin Nashec të Prizrenit, drejtuesi i veturës civile, mashkull i komunitetit rom, derisa ishte duke drejtuar veturën e tij, ka humbur kontrollin, duke dalë kështu nga rruga, me ç’rast ka goditur një muri betoni. Viktima si pasojë e lëndimeve të marra ka ndërruar jetë, ndërsa në konsultim me Prokurorin, trupi i pajetë u është dhënë familjarëve.
Po ashtu, një aksident trafiku me fatalitet, ka ndodhur edhe në rrugën “Vllezërit Fazliu” në Prishtinë, ku si pasojë e goditjes nga një veturë në lëvizje, ka humbur jetën një këmbësorë. Policia raporton se i dyshuari mashkull shqiptar, me veturën e tij civile, nga pakujdesia ka humbur kontrollin mbi veturën e tij dhe ka goditur këmbësorin mashkull, duke i shkaktuar lëndime vdekjeprurëse.
Vdekjen e viktimës e ka konfirmuar mjeku kujdestarë. I dyshuari është arrestuar dhe në konsultim me Prokurorin, është ndal në mbajtje, ndërsa trupi i pajetë u është dorëzuar familjarëve, transmeton Kosovapress. /Telegrafi/
