E mbyti me thikë, sepse ia ngacmoi motrën

19:19 / 26.02.2013

I ngacmoi motrën, 17-vjecari ther me thikë 24-vjeçarin. Ngjarja e rëndë ka ndodhur pasditen e sotme në zonën periferike të Kamzës pranë Institutit Bujqësor, ndërkohë që mësohet se viktima është Elson Fjerza.

Menjëherë forca të shumta të Komisariatit numër 5, janë vënë në ndjekje të autorit 17-vjeçar, me inicialet E.D, duke e vënë në pranga. Nga hetimet paraprake mësohet se autori i krimit njihet si shtetas me precendentë penal për policinë, pasi pak kohë më parë mbi të rëndonte akuza e vjedhjes, transmeton BW.

Pas arrestimit, adoleshenti ka rrëfyer në polici se sherri me 24-vjecarin, të cilin e kishte dhe komshi ka ndodhur pasi ai i kishte ngacmuar motrën. Viktima me origjinë nga Fushë Kruja, jetonte në zonës së 3 tek shinat e trenit në Tiranë.

Vrasje e sotme pason ngjarjen e rëndë të ndodhur më 23 shkurt, ku një 35 vjeçar vrau me thikë në zemër një 22 vjeçar, në autobusin e linjës së kryeqytetit Qendër-Shkozë. Ndërkohë që pak ditë më parë u ekzekutua për vdekje Dritan Lamaj ish-shefi i Komisariatit Nr. 6 në Tiranë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.