E rrëmbyera nga Vushtrria, gjendet e vrarë në rajonin e Podujevës

10:14 / 10.12.2012

Një grua 42 vjeçare, e cilësuar si e rrëmbyer në Vushtrri, që nga data 3 dhjetor, 2012, është gjetur, pa shenja jete, në fshatin Lupq i Epërm, të Podujevës.

Që nga data 3 dhjetor, 2012, Policia e Kosovës, ishte në kërkim të personit të gjinisë femërore, H.Tunuzliu (1970), nga fshati Dërvar i Vushtrrisë, pasi familjarët e saj, kishin njoftuar policinë e Kosovës, se e njëjta mund të ishte rrëmbyer nga persona të panjohur.

“Trupi i pajetë, e viktimës ishte gjetur në ditën e shtunë, më 8 dhjetor, në fshatin Lupq i Epërm, të Podujevës ndërsa pas bashkëpunimit në mes të hetuesve rajonal të Policisë së Kosovës në Mitrovicë dhe atyre në Prishtinë, kufoma ishte identifikuar si viktima e raportuar e humbur nga data 3 dhjetor”, thuhet në kumtesën e Policisë.

Si rezultat i një bashkëpunimi në mes të hetuesve policor, Policia e Kosovës ka identifikuar dhe arrestuar një të dyshuar të mundshëm si kryes të aktit të këtij akti kriminal.

I dyshuari 58 vjeçar, banor i Vushtrrisë, është arrestuar dhe i është dorëzuar hetuesve për krime të rënda në rajonin e Prishtinës, ndërsa me urdhër të prokurorit publik, të njëjtit i është caktuar masa e ndalimit policor.

Rasti është cilësuar si vepër penale “vrasje e rëndë” ndërsa hetimet do të udhëhiqen nga hetuesit rajonal të Policisë së Kosovës në Prishtinë. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.