Edhe ambasada amerikane dënon përdhosjen e varrezave

15:02 / 16.01.2013

Ambasada e Shteteve të Bashkuara të Amerikës në Prishtinë ka dënuar fuqishëm përdhosjen e varrezave në Fushë Kosovë.

Në kumtesë thuhet se aktet e tilla janë anatemë e vlerave të një shteti demokratik dhe shumetnik.

“Inkurajojmë të gjithë qytetarët që të flasin hapur kundër këtyre akteve të mjerueshme dhe të bashkohen rreth idealeve të respektit të ndërsjellë dhe tolerancës që janë të mbrojtura nga Kushtetuta e Kosovës. Mirëpresim faktin që Qeveria e Kosovës e ka dënuar këtë vandalizëm si dhe reagimin e parë të Policisë së Kosovës ndaj incidentit. Ambasada e SHBA-ve do të vazhdojë të përcjellë hetimin e Policisë së Kosovës nga afër duke pritur që kryesit e veprës të bihen para drejtësisë”, thuhet në deklaratën e ambasadës amerikane. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.