Elbasan, babai vret djalin dhe nusen e tij italiane

23:03 / 30.01.2013

Krim i dyfishtë brenda familjes, tronditet qyteti i Elbasanit. Engjëll Lluçaj, 65-vjeçar, ka vrarë me armë tip automatik djalin dhe nusen e tij me shtetësi italiane.

Ngjarja e rëndë është regjistruar sot rreth orës 19:45 minuta në qendër të qytetit të Elbasanit, pranë filialit të postës, siç raportohet nga vendngjarja. Viktimat janë Sokol Lluçaj 27 vjeç dhe Xhulia Poltofieri 24 vjeç, transmeton BW.

Policia e qytetit të Elbasanit bën me dije, se krimi i dyfishtë ka ndodhur pas një grindje në familje, ndërsa ngjarja është marrë vesh pas njoftimit të fqinjëve të pallatit ku edhe u vranë çifti i bashkëshortëve.

Blutë e qytetit të Elbasanit kanë shkuar menjëherë në vendngjarje duke arrestuar edhe autorin e krimit, 65-vjeçarin Engjëll Lluçaj.

Ende nuk dihen shkaqet që e çuan këtë të fundit të ekzekutonte në banesë djalin dhe nusen e tij, ndërkaq mësohet se hetimet vazhdojnë. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.