Është koha që Izraeli të investojë në Shqipëri!
Në Shqipëri është hapur të enjten Ambasada e Izraelit, ku në ceremoninë e organizuar ishte pjesëmarrës edhe ministri i Punëve të Jashtme të Izraelit, Avigdor Liberman.Pas takimit me ministrin e Jashtëm shqiptar, Edmond Panariti, Liberman tha se hapja e ambasadës do të jetë një shtysë për të cuar përpara marrëdhëniet e qëndrueshme mes dy vendeve.
Liberman, i cili njëherësh është edhe zëvendëskryeministër i qeverisë izraelite, tha se tani është koha që raportet politike të shoqërohen edhe me një intesifikim të marrëdhënieve ekonomike.
Në këtë kohë krize tha ai, kompanitë izraelite po hedhin sytë drejt tregjeve të reja dhe Shqipëria është një mundësi u shpreh ministri Liberman.
Nga ana e tij ministri i Jashtëm shqiptar Panariti deklaroi se bashkëpunimi ekonomik mund të shtrihet në shumë fusha, që nga turizmi, bujqësia apo industria, raporton VoA.
Shqipëria dhe Izraeli kanë një marrëdhënie të veçatë mes tyre, të ushqyer veçanërisht pas mbrojtjes së rrallë që shqiptarët i ofruan hebrenjve që kërkonin t’i shpëtonin përndjekjes së nazistëve gjatë luftës së dytë botërore. /Telegrafi/
