Është zhdukur Monika Berisha nga Zara
Monika Berisha, 17 vjeçare nga Zara e Kroacisë, është zhdukur para 9 ditëve dhe nuk ka asnjë gjurmë se ku mund të ndodhet ajo.Policia në Zarë në bashkëpunim me policinë në Zagreb përpiqen ta gjejnë 17 vjeçaren Monika Berisha, zhdukjen e së cilës e ka paraqitur e ëma, ditën e shtunë më 9 shtator. E ëma e saj pohon se ajo edhe më parë është larguar nga shtëpia, por pas dy tre ditëve përsëri është kthyer.
Zhdukja e 17 vjeçares Monika Berisha është paraqitur që para 9 ditëve, saktësisht më 9 shtator, ndërsa deri më tani nuk ka asnjë gjurmë. E ëma e saj, pohon se disa ditë para zhdukjes, Monika ka biseduar me të ëmën për të shkuar në Zagreb tek një moshatare dhe shoqe e saj.
Sipas saj, ajo është dashtë atje të qëndrojë vetëm gjatë vikendit, informon agjencia e lajmeve INA.
Mirëpo, vajza ka shkuar tek shoqja e sajë, ndërsa nuk është kthyer në shtëpi. E ëma ka deklaruar se ajo edhe më parë është larguar nga shtëpia, por pas dy tre ditëve zakonisht është kthyer sërish në shtëpi.
Telefoni i sajë celular, nga dita e shtunë është shkyçur dhe nuka ka qasje-shkruan gazeta “Zadarski List”. Luten të gjithë që kanë ndonjë informacion për këtë vajzë, të njoftojnë stacionin më të afërm të policisë, ose në e-mailin për personat e zhdukur : nestali@nestali.hr. /Telegrafi/
