EULEX-i heton Doganat për pasaportat

18:23 / 10.01.2013

Hetuesit e EULX-it po gjurmojnë edhe përgjegjësinë e autoriteteve doganore në rastin e pasaportave biometrike në Ministrinë e Punëve të Brendshme. Zyrtarët doganorë po hetohen për lëshim në rastin e një kontingjenti të pasaportave të cilat thuhet se nga Ministria e Brendshme janë paraqitur rrejshëm si letër printimi.

Natali Velijaj dhe zyrtarët e Ministrisë së Punëve të Brendshme nuk janë të vetmit që po hetohen për keqpërdorime në rastin e kontratës për prodhimin e pasaportave biometrike.

Burime të “Radio Kosovës” bëjnë të ditur se pjesë e hetimeve tani janë edhe zyrtarët e Doganave të Kosovës për shkak se nuk kishin respektuar të gjitha procedurat e kontrollit dhe sigurisë në rastin e një kontingjenti pasaportash për rajonin e Pejës ku Ministria e Punëve të Brendshme i kishte deklaruar si letër printuese.

Doganat pretendojnë se nga ky kontigjent Ministria e Brendshme u ka borxh 354 mijë euro. Sektori i auditimit të jashtëm i doganave ka konstatuar se Ministria ka shkelur rregullat në rastin e deklarimit dhe zhdoganimit të mallit duke ndërruar numrin tarifor të mallit. Pikërisht për këtë Prokuroria ka ngritur dyshimet për përfshirje edhe të zyrtarëve doganor.

Rreth kësaj çështjeje nuk janë përgjigjur zyrtarët e Doganave të Kosovës e as ata të Ministrisë së Punëve të Brendshme. Ndërsa, zëdhënësja e EULEX-it, Bardha Azari, ka thënë se aktualisht nuk mund ta komentojnë këtë situatë ngase gjithçka është në proces.

E dyshuara kryesore deri më tani në rastin e pasaportave biometrike, Natali Velijaj këtë javë pritet të nxjerr të dhëna të tjera rreth përfshirjes së zyrtarëve të qeveritar në këtë keqpërdorim. /Telegrafi/


 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.