EULEX-i kërkon nga Preteni ta hetojë tenderin e pasaportave

18:54 / 12.02.2013

Agjencia Kosovare Kundër Korrupsionit (AKK) ka pranuar një kërkesë nga EULEX-i që ta hetojë procedurën e tenderimit të pasaportave elektronike.

Kreu i kësaj agjencie, Hasan Preteni, ka konfirmuar se EULEX-i e ka autorizuar AKK-nwa për këtë çështje.

Ai ka thënë se vazhdimisht bashkëpunojnë me Misionin Evropian për sundimin e ligjit dhe se ky, sipas tij, nuk është rasti i parë, transmeton KTV.

Ndërkohë, pos kësaj, edhe zyrtarët doganorë janë autorizuar që t’i sigurojnë të gjitha dokumentacionet në lidhje me importet që ndërlidheshin me kontratën për pasaporta.

Skandali i pasaportave që rezultoi me ndërprerjen e kontratës me kompaninë austriake dhe me paraburgosjen e shtetases gjermane, Natali Veliaj, vazhdon të jetë temë shumë e ndjeshme.

Velijaj ka deklaruar para prokurorisë se paratë si ryshfet për tenderin ua ka dhënë disa zyrtarëve të Ministrisë së Brendshme, por emrat e tyre nuk janë bërë publik. /Telegrafi/
 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.