Evropa, vend kyç i trafikut të drogës, shqiptarët ndër më aktivët

21:39 / 31.01.2013

Evropa ka një rol kyç në vënien në dispozicion të know-how - të mënyrës si realizohet prodhimi i drogave, nga kanabisi e deri tek drogat sintetike, përfshirë edhe heroinën.

Ky është alarmi i lëshuar nga raporti i parë i BE-së mbi tregun e drogës, “i cili është gjithmonë e më i shpejtë për të reaguar'' ndaj ndryshimeve, por edhe “më fluid me rrugët e reja që shpërndan multi-substanca gjithmonë e më të përhapura”. Ndërkohë, interneti është ''lehtësues i rëndësishëm'', i përdorur edhe për shitjen dhe marketingun e drogave, bën të ditur Ansa.

Ndërkohë, siç bën të ditur BallkanWeb, grupet kriminale shqiptare spikatin në këtë raport si një ndër grupet më aktive në trafikun e kokainës dhe heroinës drejt vendeve të BE, por dhe si një vend burimi kryesor në prodhimin e kanabisit. BE dyshon se në Shqipëri dhe Moldavi ka edhe laboratorë për prodhimin dhe përpunimin e kokainës.

“Shqiptarët janë të përfshirë në aktivitetet të shumëfishta kriminale”, thuhet në këtë studim që përfshin vitet e fundit, ku citohet më tej se shqiptarët janë të përfshirë në trafikun e kokainës, drogave sintetike por dhe kanabisit.

Shqiptarët, sipas raportit, bashkëpunojnë ngushtë me partnerë turq për të trafikuar heroinë drejt Italisë që cilësohet si vendi më i madh i BE-së në konsumin e kësaj droge. Raporti citon se grupet kriminale shqiptare përdorin forma të ndryshme të transportit të drogës, si p.sh. skafet drejt Italisë, ndërsa vitet e fundit kanë forcuar lidhjet me grupet kriminale lituaneze dhe turke.

Raporti citon mes të tjerash se grupet kriminale shqiptare përdorin zona të caktuara në rajon, si në Maqedoni, Kosovë dhe Shqipëri, për të ruajtur dhe magazinuar drogën. /Telegrafi/

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.