Fillon procesi gjyqësor, “monstra” rrezikon burg të përjetshëm

10:39 / 9.01.2013

Tre muaj pas vrasjes makabre të 18- vjeçares Aishe Vata në fshatin Xhafzotaj të Durrësit, të mërkurën në Gjykatën e Shkallës së Parë të këtij rrethi nisi procesi gjyqësor ndaj monstrës, Shaban Norja.

Norja, 80- vjeçari akuzohet se më 11 tetor të vitit që shkoi vrau dhe më pas i preu kokën me sëpatë të dashurës së tij, 3 muajshe shtatzënë.

Burime zyrtare nga Prokuroria e Durrësit dje deklaruan se Norja rrezikon nga 15 vjet deri në burgim të përjetshëm, raporton BalkanWeb.

Dosja në Gjykatë mban numrin 924 dhe përbëhet nga tre fashikuj me 1026 faqe. Relatore e çështjes është Shpëtime Pitaku, ndërsa trupi gjykues do të kryesohet nga Ervin Metalla, i cili është dhe kryetar i Gjykatës së Shkallës së Parë të Durrësit.

Një ditë para gjyqit, “Gazeta Shqiptare” ka siguruar fotot ekskluzive të ngjarjes, trupit pa kokë, rrobave dhe atleteve që atë natë mbante veshur viktima, të cilat autori i krimit i kishte hedhur në vende të ndryshme, si dhe sëpatës me të cilën plaku pervers i preu kokën vajzës me origjinë nga Kukësi.

Në dosjen “Norja” ka një numër të madh akt-ekspertizash të viktimës dhe të ekzekutorit. Mes provave të shumta të grumbulluara nga prokuroria e Durrësit janë dhe tabulatet e dy numrave celularë Vodafone Club, me të cilët komunikonin 80-vjeçari Shaban Norja dhe 18-vjeçarja, Aishe Vata.

Nga të dhënat në dosje rezulton se gjatë periudhës shtator-tetor të vitit 2012 ka një numër shumë të madh thirrjesh telefonike mes viktimës dhe vrasësit, të cilat zgjasin nga 2 minuta deri në 35 minuta. /Telegrafi/

 

 

Komente

Vërejtje:
Telegrafi ka ofruar gjithmonë hapësirë të lire për komentime dhe për diskutim, me qëllimin e mirë të nxitjes së debateve. Por, për shkak të disa komentuesve të papërgjegjshëm, që keqpërdorin këtë mundësi, kemi vendosur ta ndryshojmë qasjen drejt komentimit të lajmeve. Tash e tutje, komentuesit në rubrikat "Lajme" dhe "Ekonomi", profilin e tyre duhet ta autorizojnë me email valid.

Çdo përdorues, në panelin "Settings" duhet të vendos emailin valid, e pastaj të kërkojë që në atë adresë elektronike t'i dërgohet linku për aprovim. Ky link duhet të klikohet, që të autorizohet profili përmes të cilit mund të komentoni.